وش تحب app for iPhone and iPad

تطبيق "وش تحب؟"

يخليك تعرف مناسبات أصدقاءك والأشياء اللي يحبونها، عشان إذا جاء وقت مناسبة صديقك وجيت تهديه ولا هديتك مميزة جداً عن الكل لأنك "أهديته شيء يحبه".

في "وش تحب؟" ميزات كثيرة مثل: تقدر تضيف مناسباتك الخاصة والعامة، والأشياء اللي تحبها، عشان اللي يبغى يهديك ما يحتار أو يجتهد ويجيب لك شيء مو ضمن اهتماماتك (على فكرة بخصوص مناسباتك الخاصة يمديك تحدد من يشوفها من أصدقاءك، وممكن تخفيها عن الكل إلا شخص واحد).
برضوا تقدر تتابع أصدقاء محددين فقط عشان تعرف مناسباتهم وأشياءهم اللي يحبونها وأي احداث جديدة تخصهم.

وحده من ميزات "وش تحب؟" إنه يحل مشكلة تكرار الهدايا اللي كثير تصير في بعض المناسبات (مثل: لما يهدونك أخوياك 50 مايكرويف وأنت تجهز شقتك قبل الزواج، أو تجيك من صديقاتك وقريباتك 70 صينية شوكولاته في مناسبة ولادتك).
في "وش تحب؟" حلينا مشكلة التكرار وخلينا اللي يحجز شيء من الأشياء اللي تحبها يصير واضح للكل إن هالشيء محجوز لكن ما أحد يعرف من حجزها.

هدفنا في "وش تحب؟" تكون الهدية حلوة للطرفين، اللي راح يهدي مبسوط ومتأكد إن هديته جميلة ومناسبة، واللي جته الهدية مبسوط أكثر لأنها جت على ذوقه ورغبته.

وأخيراً انتهت معاناة الإهداء